சமீப பதிவுகள்

கண்ணோட்டம்

பெய்ஜிங்கில் நடைபெற்ற சீனா-ஆப்பிரிக்கா இடையேயான உச்சி மாநாடு, வர்த்தக பற்றாக்குறையை வெளிச்சமாக்கியுள்ளது.

செய்தி :

வளரும் நாடுகளில் கடன் உதவி பெறும் அணுகுமுறை பற்றி பெருகிய விமர்சனங்கள் எழுந்திருக்கும் சூழலிலும்,சீனாவுடனான பொருளாதார உறவுகளை மையமாகக் கொண்டு பெய்ஜிங்கில் நடைபெறவிருக்கும் இரண்டு நாள் உச்சிமாநாட்டிற்காக ஆப்பிரிக்க தலைவர்கள் ஒன்று கூடினர்.

திங்கட்கிழமை தொடங்கவிருக்கும் சீனா-ஆபிரிக்க ஒத்துழைப்பு பற்றிய கருத்துக்களுக்காக ஜனாதிபதி ஜி ஜின்பிங் 50 க்கும் மேற்பட்ட ஆப்பிரிக்க நாட்டு தலைவர்களுக்கு அழைப்புவிடுத்திருக்கிறார். மூன்று ஆண்டிற்கு ஒரு முறை நடைபெறும் இந்த மாநாடு , சீனா ஆப்பிரிக்க கண்டத்திற்கு அதிகமான கடன்கள் கொடுத்துவருவதை காட்டுகிறது. ஜி ஜின்பிங் 2015 ல் தென்னாபிரிக்காவின் ஜோகன்னஸ்பர்கில் நடந்த கடந்த உச்சிமாநாட்டில் ஆப்பிரிக்காவிற்கு உதவி மற்றும் கடனாக $ 60 பில்லியன் அறிவித்தது

சீனாவின் பொருளாதார குறிப்பு பெய்ஜிங் மற்றும் ஆப்பிரிக்க கண்ட நாடுகளுக்கு இடையேயான வர்த்தகம் கடந்த வருடம் 170 பில்லியன் டாலருக்கு (14 சதவிகிதம்) உயர்ந்துள்ளது.(அல்ஜஸீரா 3வது செப்டம்பர் 2018)

கருத்து:

ஆப்பிரிக்கா ஒரு காலனியாதிக்க நாட்டின் கட்டுபாட்டில் இருந்து விலகி மற்றொரு காலனியாதிக்க நாட்டின் பிடியில் மாட்டிக்கொண்டு ஏமாறபோகிறதா? உதாரணத்திற்கு ஸ்ரீலங்கா போன்று கடன் தொல்லையில் எந்த ஒரு நாடும் மாட்டிக்கொள்ள விரும்பவில்லை. சீனா, ஒன்றும் முதல் அல்லது ஒரே காலனியாதிக்க சக்தியாக இருப்பதில்லை என்பதை விளங்கவேண்டும். ஆப்பிரிக்காவின் பொருளாதார மாற்றங்களை (பிரச்சனைக்கான தீர்வை) ஆப்பிரிக்காவின் வளங்களின் செல்வம் ஏன் ஆற்றவில்லை? ஆப்பிரிக்காவின் செல்வம் எவ்வாறு அதன் நாடுகளையும் மக்களையும் சீனாவிற்கான பொருளாதார அடிமைத்தனத்திற்கு ஈர்க்கப் படுகிறது?

சீனா ஒரு சித்தாந்தத்தின் மீது கட்டமைக்கப்பட்டுள்ளது, அந்த கருத்தியலிருந்து வெளிவரும் ஒரு உலகக் கண்ணோட்டத்துடன் அது மற்ற நாடுகளை அணுகுகிறது. சீனா,தன் நாடு வளமடைய மற்ற நாடுகளின் செல்வத்தை கொள்ளையடிக்கிறது.

நம் முஸ்லீம் நாடுகள் ஒரு அறிவார்ந்த அரசியல் பார்வையை கட்டமைக்க அல்லது செயல்படுத்த முடியாத ஒரு நிலையில் தான் உள்ளது. ஏனென்றால் அடிப்படைக் கூறாக இருக்கும் ஒரு சித்தாந்த சிந்தனை இல்லை. முஸ்லிம் நாடுகள் நேர்மையற்ற, தகுதியற்ற, விரக்தியுள்ள மற்றும் அவர்களின் எஜமானர்களுக்கு கைப்பாவையாக விளங்கும் நபர்களை தலைவர்களாக கொண்டுள்ள்ளது.

மேற்கத்திய சட்டங்களை இந்த உலகை பல பிரச்சனைகளின் பக்கம் தள்ளியுள்ளது. உலகளாவிய பொருளாதார பிரச்சனை பல நாடுகளை வறுமையில் ஆக்கியுள்ளது. மேலும் பணம் அச்சடித்தல் தொடர்பான மேற்கத்திய சட்டம் பல நாடுகளை பணவீக்கத்தை சந்திக்க வைத்துள்ளது. மேலும் மேற்கத்திய ஆட்சியமைப்புமுறை அமெரிக்காவில் மட்டும் அல்லாமல் ஐரோப்பாவிலும் இன ரீதியான பிரிவை ஏற்படுத்தியுள்ளது. லிபரல் மனிதாபிமான கொள்கைகளை போலந்து, ஹங்கேரி, பிரான்ஸ், டென்மார்க், ஆஸ்திரியா, ஜெர்மனி, சுவீடன், சுவிட்சர்லாந்து ஆகிய நாடுகளில் தோல்வியுற்றுள்ளது. மேலும் இந்த நாடுகளில் மேற்க்கத்திய சட்டம் பின்பற்றப்படுவதின் விளைவாக சகிப்புத்தன்மை மற்றும் மரியாதை ஆகியவை அழிக்கப்பட்டு வெறுப்பு மற்றும் மன்னிப்பின்மை ஆகியவை தொடர்ந்து வளர்ந்து வருகிறது.

ஒரே ஒரு சிந்தாந்தம் மட்டுமே அதன் மக்களையும் நிலங்களையும் காப்பாற்றுகிறது மேலும் பேராசை கொண்ட காலனித்துவவாதிகளிடமிருந்து சுரண்டலை தடுக்கிறது என்று சொன்னால் அது இஸ்லாம் மட்டும் தான். இஸ்லாமிய சட்டங்கள் மனிதர்களை கண்ணியமாக நடத்துகின்றன, தனிமனிதனையும் சமுதாயத்தையும் மேம்படுத்துகின்றன, பாதுகாக்கின்றன, மனிதர்களை ஒற்றுமையின் பக்கம் ஒன்றிணைக்கின்றது. நிறம் அல்லது மொழி ஆகிய எந்த வேறுபாடும் இல்லாமல் அனைவரையுமே ஒரே பார்வையில் பார்க்கின்றது.

இஸ்லாம் மனிதர்களுக்கான ஒரு சித்தாந்தமாகும். மனித சமூகத்திற்கு ஏற்ற ஒரே சித்தாதந்தமாகும்.

يَسْئَلُونَكَ مَاذَا يُنفِقُونَۖ قُلْ مَآ أَنفَقْتُم مِّنْ خَيْرٍ فَلِلْوَٰلِدَيْنِ وَٱلْأَقْرَبِينَ وَٱلْيَتَٰمَىٰ وَٱلْمَسَٰكِينِ وَٱبْنِ ٱلسَّبِيلِۗ وَمَا تَفْعَلُوا مِنْ خَيْرٍ فَإِنَّ ٱللَّهَ بِهِۧ عَلِيمٌ

அவர்கள் உம்மிடம் கேட்கிறார்கள்; “எதை, (யாருக்குச்) செலவு செய்யவேண்டும்” என்று. நீர் கூறும்; “(நன்மையை நாடி) நல்ல பொருள் எதனை நீங்கள் செலவு செய்தாலும், அதை தாய், தந்தையருக்கும், நெருங்கிய உறவினர்களுக்கும், அநாதைகளுக்கும், மிஸ்கீன்(ஏழை)களுக்கும், வழிப்போக்கர்களுக்கும் (கொடுங்கள்). மேலும் நீங்கள் நன்மையான எதனைச் செய்தாலும் நிச்சயமாக அல்லாஹ் அதை அறிந்து (தக்க கூலி தருபவனாக) இருக்கிறான்.” (சூரா பகரா 2:215)

இஸ்லாத்தின் பொருளாதார அமைப்பானது பணக்கார வங்கியாளர்களின் விருப்பத்திற்கு உட்பட்டது அல்ல, மக்களின் அடிப்படைத் தேவைகளை சுரண்டுவது, உலகளாவிய பொருளாதார தொற்றுநோயை ஏற்படுத்துகிற விதத்தில் அமைந்திருக்கும் முதலாளித்துவ பொருளாதார அமைப்பிற்கு முற்றிலும் மாற்றாக அனைவரின் அடிப்படை தேவையை பூர்த்தி செயும் விஷயத்தை கடமையாககொண்டிருக்கும் கொள்கையை உடையது இஸ்லாமிய பொருளாதாரம். அடிப்படை தேவைமட்டுமின்றி அனைவரும் வசதியாகவும் கௌரவமாகவும் வாழ்வதற்கு ஏற்ற வாய்ப்பை ஏற்படுத்தித்தரவும் உதவுகிறது. சொத்துக்கள் மற்றும் சொகுசுகள் ஆகியவை மக்களின் நலனுக்காகவும் நன்மைக்காகவும் செயல்படுகின்றன – மேலும் தனிநபர்கள் மற்றும் சமுதாயம் வளர பயன்படுத்தப்படும்.

وَلَا تَأْكُلُوٓا أَمْوَٰلَكُم بَيْنَكُم بِٱلْبَٰطِلِ وَتُدْلُوا بِهَآ إِلَى ٱلْحُكَّامِ لِتَأْكُلُوا فَرِيقًا مِّنْ أَمْوَٰلِ ٱلنَّاسِ بِٱلْإِثْمِ وَأَنتُمْ تَعْلَمُونَ

அன்றியும், உங்களுக்கிடையில் ஒருவர் மற்றவரின் பொருளைத் தவறான முறையில் சாப்பிடாதீர்கள்;. மேலும், நீங்கள் அறிந்து கொண்டே பிற மக்களின் பொருள்களிலிருந்து(எந்த) ஒரு பகுதியையும், அநியாயமாகத் தின்பதற்காக அதிகாரிகளிடம் (இலஞ்சம் கொடுக்க) நெருங்காதீர்கள். (சூரா அல் பகரா 2:188)

பூமியிலிருந்து எல்லா செல்வங்களும் மக்களுக்கு சொந்தமானது. தனியார் நிறுவனங்கள், பன்னாட்டு நிறுவனங்கள், காலனித்துவ பெருநிறுவனங்கள் அல்லது வெளிநாட்டு அரசாங்கங்கள் அல்ல. இஸ்லாம் அதன் நாணயத்தை(தங்கம் மற்றும் வெள்ளி) சுழற்சியில் இருக்குமாறு கட்டளையிட்டுள்ளது மேலும் பணம் குறைந்த நபர்களிடத்தில் மட்டும் சுழன்றுகொண்டிருப்பதை தடுத்து அதை பதுக்கிவைக்கும் செயலையும் தடுக்கிறது.

كَىْ لَا يَكُونَ دُولَةًۢ بَيْنَ ٱلْأَغْنِيَآءِ مِنكُمْۚ ِ

மேலும், உங்களிலுள்ள செல்வந்தர்களுக்குள்ளேயே (செல்வம்) சுற்றிக் கொண்டிருக்காமல் இருப்பதற்காக (இவ்வாறு பங்கிட்டுக் கொடுக்கக் கட்டளையிடப் பட்டுள்ளது)
(சூரா அல் ஹஷ்ர் 59:7)

மனிதகுலத்தின் அறியாமை, துணிச்சல், இனவெறி மற்றும் வெறுப்பு ஆகியவற்றின் மோசமான உதாரணங்களை கொண்டுள்ள நபர்களை ஆட்சி அதிகாரத்தில் அனுமதிக்க முடியாது என்று ஒரு ஆளும் முறையை கொண்டுள்ளது இஸ்லாம்.

இஸ்லாம் மிகவும் அறிவார்ந்த நாகரிகத்தை உலகிற்கு அறிமுகப்படுத்தியது.உலகின் பகுத்தறிவு, மற்றும் புறநிலை சிந்தனையாளர்கள், தவறான தகவல்களுக்கு அப்பாற்பட்டது, தெளிவான கண்களுடன் இஸ்லாமைப் புரிந்துகொள்வதற்கான நேரம் வந்துள்ளது. மேலும் இஸ்லாமிய உம்மாவின் நன்மைக்காகவும், தோல்வியுற்ற தாராளவாத மதச்சார்பின்மையிலிருந்து உலகத்தை காப்பாற்றவும் இஸ்லாமியர்கள் மீண்டும் ஒருமுறை இஸ்லாமியத்தை நடைமுறைப்படுத்தி அதை மற்ற தேசத்திற்கு எடுத்துச் செல்வதற்கான நேரம் வந்துள்ளது.

Comments are closed.